影片
更多
2011-08-12
14 浏览
5月2日, 勞工假期補假, 出到去中環食lunch, 食個中環最出名嘅蘭芳園, 馳名絲襪奶茶、撈丁系列, 到擴張開分店, 蘭芳園越做越大, 我地嚟嘅時候客人大多數都係中國自由行, 舊舖好多人, 去新舖就啱啱有位~:::鬼佬鴛鴦飯 + 熱奶茶 ::: $40一個好特別嘅名, 其實就一邊白汁海鮮, 一邊肉醬, 中間加隻蛋~ 肉醬都係一般嘅質素, 甜甜地又酸酸地, 冇乜特別. 白汁海鮮就更比肉醬差d, 海鮮中都只係有急凍蟹柳粒加少少魚柳, 汁底杰而味道偏淡… 加埋隻蛋都只係一碟用名呃人嘅碟頭飯, $40就真係唔抵. 未試過俾佢呃一次半次冇所謂, 佢地都係主要做自由行生意, 就應該幾好賺~當然, 我地嚟食飯主要目的都係想嘆番杯奶茶, 如果成個碟頭飯唔配奶茶真係完全唔值~ 果然奶茶不失水準, 茶依舊嘅濃香同奶嘅滑溜好夾, 質感好豐厚, 飲落亦好順喉~ 正!::: 白菌牛脷撈丁 + 凍奶茶::: $40 + $2白菌牛脷撈丁呀菲已經食過無數次~ 鍾意佢個汁夠濃杰, 撈起丁麵夠晒惹味! 牛脷大大塊, 啖啖肉得嚟味道都夠濃, 但就略嫌乾身咗d, 又韌咗d… 感覺上好似無以前咁好食…凍奶茶用上奶茶雪凍做
:::鬼佬鴛鴦飯 + 熱奶茶 ::: $40
一個好特別嘅名, 其實就一邊白汁海鮮, 一邊肉醬, 中間加隻蛋~ 肉醬都係一般嘅質素, 甜甜地又酸酸地, 冇乜特別. 白汁海鮮就更比肉醬差d, 海鮮中都只係有急凍蟹柳粒加少少魚柳, 汁底杰而味道偏淡… 加埋隻蛋都只係一碟用名呃人嘅碟頭飯, $40就真係唔抵. 未試過俾佢呃一次半次冇所謂, 佢地都係主要做自由行生意, 就應該幾好賺~
當然, 我地嚟食飯主要目的都係想嘆番杯奶茶, 如果成個碟頭飯唔配奶茶真係完全唔值~ 果然奶茶不失水準, 茶依舊嘅濃香同奶嘅滑溜好夾, 質感好豐厚, 飲落亦好順喉~ 正!
::: 白菌牛脷撈丁 + 凍奶茶::: $40 + $2
白菌牛脷撈丁呀菲已經食過無數次~ 鍾意佢個汁夠濃杰, 撈起丁麵夠晒惹味! 牛脷大大塊, 啖啖肉得嚟味道都夠濃, 但就略嫌乾身咗d, 又韌咗d… 感覺上好似無以前咁好食…
凍奶茶用上奶茶雪凍做嘅冰底~ 就算d冰溶晒都唔會溝稀, 保持奶茶本質夠濃夠滑! 味道方面, 茶味奶味比例無懈可擊~ 真係無敵架!!
依然係無敵嘅奶茶, 出面其他地方奶茶好多都過澀同嚡口, 所以都好少喺其他茶餐廳飲熱奶茶. 希望佢地嘅奶茶秘方一定要流傳落去!
张贴
