龍點心 (軒尼詩道)

营业中

休息中

不嬲鐘意食燒賣，行街經過呢間餐廳見到竟然有唔同口味嘅燒賣，咁啱又未食嘢一於想去試一試。上到去見到餐廳環境好特別，好適合遊客打卡，不過我最期待都係呢個燒賣拼盤，冇令我失望，六款唔同嘅燒賣粒粒都好彈牙，而且入邊仲會爆汁，我就最鍾意羅宋湯燒賣，酸酸地入邊有辣辣地，非常開胃，小朋友最愛芝士燒賣，搶着嚟食一啖都唔分俾我就知幾好味。另外重叫左幾款點心，上菜嘅時候都非常精美，而且全部新鮮製造，熱辣辣好好味。要飽肚點都要食啲澱粉質落肚，整咗叉燒腸，叉燒腸厚切大大嚿，腸粉好滑，點埋鹹鹹甜甜嘅豉油，蒸飯係另一飽肚之選，潤腸臘腸蒸雞飯，好香。好好味，最鍾意佢嘅飯，食到粒粒分明，配埋豉油臘腸一齊食，超級惹味，而且好飽肚。