影片
更多
2007-03-29
19 浏览
寫完公司開年飯, 再到開飯開年飯.還記得早前聽文迪叔叔講R66的威水史, 但我只記得年前在那裡吃過相當驚嚇的一餐. 想不到很快就有機會上來合和, 但比人低兩層, 點認叻.居高臨下, 但濛濛的, 不大看見對岸, 空氣質數太差?謝過KC兄的安排, 是晚試了不少菜色.七彩拚盤: 7分, 即係燒味拼盤, 其實邊有七種色, 乳豬皮算脆, 叉燒較韌, 燒鵝只係一般.沙參肉竹燉龍骨湯: 9分, 呈奶白色的湯味道鮮甜, 龍躉並不腥, 始終小弟愛喝湯,見大家慢下來, 最後係連喝三碗.鮑汁炆海參: 7分, 原條海參, 用刀叉去食, 賣相吸引, 但味道係麻麻, 淡淡的, 不太入味, 鮑汁唔見影.一帆風順: 8分, 這個名字只讓我記起陳年小虎隊的祝你一路順風. 都係相當老土. 上臺係氣勢如紅, 大大個冬瓜, 入面有龍躉肉, 粉皮, 菜心等等, 龍躉肉大大舊, 但唔老, 跟粉皮一齊食都幾好, 但係湯係相當鹹, 跟先前的海參成強烈反比, 一個太淡, 一個太鹹.不過係唔打得都睇得的一味菜.台山娃娃菜: 8分, 自己的家鄉菜, 但從未吃過, 失禮了. 用湯浸著的娃娃菜, 係幾爽甜的. 不錯.瑞士玫瑰雞: 9分, 很喜
還記得早前聽文迪叔叔講R66的威水史, 但我只記得年前在那裡吃過相當驚嚇的一餐. 想不到很快就有機會上來合和, 但比人低兩層, 點認叻.
居高臨下, 但濛濛的, 不大看見對岸, 空氣質數太差?
謝過KC兄的安排, 是晚試了不少菜色.
七彩拚盤: 7分, 即係燒味拼盤, 其實邊有七種色, 乳豬皮算脆, 叉燒較韌, 燒鵝只係一般.
沙參肉竹燉龍骨湯: 9分, 呈奶白色的湯味道鮮甜, 龍躉並不腥, 始終小弟愛喝湯,見大家慢下來, 最後係連喝三碗.
鮑汁炆海參: 7分, 原條海參, 用刀叉去食, 賣相吸引, 但味道係麻麻, 淡淡的, 不太入味, 鮑汁唔見影.
一帆風順: 8分, 這個名字只讓我記起陳年小虎隊的祝你一路順風. 都係相當老土. 上臺係氣勢如紅, 大大個冬瓜, 入面有龍躉肉, 粉皮, 菜心等等, 龍躉肉大大舊, 但唔老, 跟粉皮一齊食都幾好, 但係湯係相當鹹, 跟先前的海參成強烈反比, 一個太淡, 一個太鹹.
不過係唔打得都睇得的一味菜.
台山娃娃菜: 8分, 自己的家鄉菜, 但從未吃過, 失禮了. 用湯浸著的娃娃菜, 係幾爽甜的. 不錯.
瑞士玫瑰雞: 9分, 很喜歡的一味. 雞肉很嫩滑, 入口係瑞士汁大戰玫瑰酒香, 甜得來又帶酒香. 比太平館的瑞士雞翼更出色.
臘味飯: 9分, 文迪的至愛, 一大煲飯係好香, 飯粒吸收了臘味的香味, 臘肉臘腸都不錯.
水餃生麵: 7分, 沒有甚麼特別.
八寶茶: 8分, 相當多料, 不太甜.
桂花糕: 9分, 冰凍而清新, 食落口有陣桂花香.
有幾樣食物係相當不錯, 係海參最令人失望. 不過整體來說都算係幾高水準.
不知為何, 每天都係公司收到新王朝的電郵推廣, 真係聲哥相伴左右. 這樣的市場策略還行得通?
张贴
