快樂蜂 (灣仔道)

营业中

休息中

灣仔午市堂食都幾難搵位，但灣仔道呢間jollibee竟然長期有位，真係小市民佳音。之前都係食佢個意粉，今次就試下包類，於是要左個祖樂堡餐，估唔到又幾好味。個包明明用料好簡單，唔知點解出奇地好味，令我諗起小時在快餐店食漢堡包嘅感覺。個薯條係同大型快餐店嘅唔一樣，好新鮮，唔會太燶。不過個汽水就真係唔係好得，像落似走晒氣咁，建議大家改飲其他。另外值得一提嘅係，本人覺得jollibee嘅服務態度幾好，收銀識講英文又識講廣東話，所以點餐唔需要怕，就咁指下餐牌佢地都會明。