醉翁亭火鍋館 (已結業)

是睌一行九位同事一齊慶祝上司升職。勢估唔到原本咁開心嘅一餐飯會令我寫下用左OpenRice 咁多年之後嘅第一篇食評。。。由於大家都想方便傾計，要坐圓枱會方便些少而最後選擇左醉翁亭火鍋館打邊爐。。一開頭上左啲fixed嘅牛，海鮮拼盤，大大粒餃子同刺身拼盤，味道都幾唔錯，特別係碟牛！！之後就係自己揀任食嗰啲。第一轉正常時間嚟左，質素都okay. 之後食到咁上下再叫第二轉，過左超過半個鐘冇嚟，催個部長，部長入去一輪之後同我地講搵唔到張單，叫我地再填。。填多次再等左半個鐘有多都冇嚟，大家都等到冇mood再想食野，唯有埋單走人。第一次遇着祇會嚟一轉野食嘅任食邊爐，襯得起第一次嬲嬲食評！