紅樹林餐廳 (已結業)

椰林閣集團旗下的紅樹林餐廳，不論裝修格局、員工制服、以致食物品種都和椰林閣一樣。多開一個品牌似乎是有點畫蛇添足。三個細食的人，懶得傷腦筋去點菜，揀個二人餐便可。油菜和海南雞是套餐指定的，另外在生炒骨、粟米鱈魚、涼瓜豬軟骨上任擇一款，我們揀了涼瓜豬軟骨。Work hard, Play hard，估唔到仲要eat hard。我既eat hard是指今餐大部份菜都是好硬的。海南雞，又硬又"鞋"，菜心硬得像食樹枝，涼瓜同樣也是勁硬，又毫無苦味；豬軟骨也應改稱豬硬骨。全晚最好的竟是例湯，不太稀，有幾件合掌瓜和豬肉，較像樣。雖然唔貴，但咁既質素，真係平一平都唔會再來。