Owens (砵蘭街)

营业中

休息中

早幾日收工同男朋友去左太子一間人氣餐廳食晚飯，啲嘢好食價錢又超值，唔怪之得平日晚飯時間都咁多人等位。見佢有二人餐可以叫扒類主菜都只係$408，真係好抵。我哋就叫左兩個晚餐再追加小食，價錢都差不多，感覺上有更多主菜選擇🥳晚餐包左沙律或/餐湯同飲品。我哋揀左一個是日餐湯（蘑菇湯）同升級左一個法式蟹肉龍蝦湯。蘑菇湯香滑，龍蝦湯就更香濃，入面重有一絲絲蟹肉，絕對足料！主菜1️⃣黃金蟹肉意大利飯上碟份量都唔少，意大利飯入醬汁入面加左咸蛋黃勁香濃惹味！飯軟硬適中，入面有蘑菇、紅黃椒等蔬菜，食落無咁膩。飯上面係一個飽滿嘅釀蟹蓋，好睇又好味😋主菜2️⃣ 明太子虎蝦意粉有成3隻大虎蝦，新鮮彈牙！意粉口感煮得恰到好處，忌廉汁香滑之餘重有明太子嘅咸香，正！小食1️⃣芝士/蒜蓉焗生蠔生蠔超級大隻，飽滿鮮美，有芝士同蒜蓉兩種選擇，我哋每種口味各兩隻。芝士焗烤後金黃誘人，蒜蓉就勁香勁惹味，兩種口味，兩種唔同嘅享受😋小食 2️⃣ 脆炸魷魚鬚 以為只係加$28會好細份，點知份量一啲都唔少。魷魚鬚新鮮爽口，脆漿重加入海苔同香料，真係用心製作！甜品1️⃣開心果麻糬提拉米蘇開心果控必試！香濃幼滑既開心果 cream，面頭佈滿開心果碎，入邊仲有