車仔面就叫左粗麵配牛腩汁，餸就揀左自家製榨菜水餃、魷魚、花菰同豬排。最欣賞既係佢既花菰，大隻得黎十分之厚肉而且忟得好入味，咬落仲係Juicy既。
魷魚亦都好夠味而且唔會太難咬開，而豬排係沾上薄粉而炸得好鬆脆香口，份量亦都好夠！
榨菜水餃唔會太厚皮，不過不失。食車仔麵最怕係麵好淋身，呢間既粗麵保留番爽身既口感，大啖食仲可以吸埋湯汁！整體黎講算相當唔錯！
至於花膠碗仔翅就好驚喜，入面有手掌大既花膠，平民既價錢都可以補充到骨膠原，而且入面都好足料，入口好厚身，唔會好稀！
柚子蜜雞翼炸得好脆，雞肉keep到係嫩滑，配埋個柚子蜜汁唔會咁heavy，感覺清新！
