White Button Cafe & Dessert (已結業)

朋友生日，又想到尖沙咀行街，咁就響呢度搵間餐廳舒服咁食餐生日飯。見到佢個雪人咁得意，試下先。前一日訂位，連雪人都講明要寫朋友名。當日，職員做野錯溜百出，例如：1）甜品同時有飲品優惠。因為我地前一日已經點左雪人甜品，問清楚左職員佢話可以有優惠，點知到點菜時另一個同事話無優惠，兩個職員回應不一。2）點餐個時，我地已經好神祕咁同職員講一陣點樣上旦糕，講明前一日已經訂好左。點知職員大聲咁答番我地旦糕係咪前一日訂，係咪要寫名？3）上菜時，倒左一半湯響枱，差啲倒落我朋友身上，職員淨係笑一笑，仲繼續張底個碗得番一半嘅湯比我地。（好在有職員醒目跟進番，即時拎走抹枱再上一碗新嘅）4）生日雪人甜品竟然寫錯名囉！仲好意思收我22蚊寫字費！其實仲有好多野，太鎖碎。再講味道，好一般。得個樣，打卡用就岩。講味道水準近似E咩 G_ G_餐廳咁。-----做錯野，其實唔介意，我係最介意職員做事唔細心，無乜禮貌，基本聽錯單，上錯菜，撞到椅背，連唔好意思一句都無。仲多次令我生日嘅朋友失望。我地想比驚喜我朋友，結果入餐廳點餐已經失去左驚喜。仲要，甜品寫錯佢名。