醉藥雞 (啟志樓) (已結業)

醉藥雞係荃灣開左分店啦!餐廳環境好闊落，坐得舒適，位與位之間唔會好迫～打開餐牌好多選擇，有招牌砂鍋雞、養生藥膳雞等，價錢相宜，都幾抵食～砂鍋雞鮑翅 原個砂窩上，可以KEEP住熱度，金黃色湯底香濃滋補，用上12小時熬製，特別鮮甜！雞件厚肉，入口好嫩滑呢～仲有爽滑魚翅同彈牙鮑魚，每樣材料都好滋味！食完成個人暖笠笠，滋補又養顏，岩哂女士們～醉肝鮑叫咗個人氣小食試下，有齊鵝肝、鮑魚同溏心醉蛋。鮑魚鮮味十足，好有嚼勁；鵝肝嫩滑細膩夠哂入味；溏心醉蛋入口富陣陣酒香味，冰涼又帶點微醺，好正！