影片
更多
2016-03-27
187 浏览
之前一直都鐘意食粥，所以之前係openrice找到間砂鍋粥係旺角，係街市天橋附近，坐得比較迫但粥真的十分鮮甜同入味，近排朋友同我講原來荃灣都間左分店，住係果邊的我當然即捉住我朋友去食啦，三坡坊比我地心目中難找，但最後因為地圖終於找到了。大約9點鐘到大約3－4桌人，裝潢比旺角更好同大，以木制的傢俱好中國風，仲有一個位可以沖茶添。而且碗之類都係梅花十分漂亮。而且坐得好舒服。手打牛肉丸＄36：湯清而香，可以當湯飲。牛丸有6粒都多，因為手打原因吧，所以食落去好彈口而好香牛肉香而冇根，這個價錢有這質素抵食。路邊炒米 $48 : 濕左少少，配料十分多有菜同蛋，食落去好香口而入味但吾咸，送粥一流，當然要加佢地的辣醬一齊食更好。醬卥鵝翼＄36 ：沒想到咁入味而香，翼一甲上黎係已經分開，即煮得十分淋，食落去吸晒醬卥味好吸引，如果有啤酒就更加好了，另一個貼心係仲有膠手套比我地添！～小米餃＄22：這是汕尾的小食，一口一粒好精細，食落好香原來係用豬肉加大地魚乾整成，食落去彈口同有肉汁皮都好有口感，但都幾飽肚。方魚炒芥蘭＄52 ：芥蘭炒得火喉好夠而仲保持到綠色和脆口，份量多而加上方魚，令到這個菜少少魚香加菜香不
大約9點鐘到大約3－4桌人，裝潢比旺角更好同大，以木制的傢俱好中國風，仲有一個位可以沖茶添。
而且碗之類都係梅花十分漂亮。而且坐得好舒服。
手打牛肉丸＄36：湯清而香，可以當湯飲。牛丸有6粒都多，因為手打原因吧，所以食落去好彈口而好香牛肉香而冇根，這個價錢有這質素抵食。
路邊炒米 $48 : 濕左少少，配料十分多有菜同蛋，食落去好香口而入味但吾咸，送粥一流，當然要加佢地的辣醬一齊食更好。
醬卥鵝翼＄36 ：沒想到咁入味而香，翼一甲上黎係已經分開，即煮得十分淋，食落去吸晒醬卥味好吸引，如果有啤酒就更加好了，另一個貼心係仲有膠手套比我地添！～
小米餃＄22：這是汕尾的小食，一口一粒好精細，食落好香原來係用豬肉加大地魚乾整成，食落去彈口同有肉汁皮都好有口感，但都幾飽肚。
方魚炒芥蘭＄52 ：芥蘭炒得火喉好夠而仲保持到綠色和脆口，份量多而加上方魚，令到這個菜少少魚香加菜香不錯。
砂鍋粥（聖子，鮮蜆，鮮雞件）＄140：細的以＄160起，叫不同配料有價錢就一大鍋，其實以2個人黎講都超大鍋，當然黎到佢會問要吾要番茜，當然要左更香，粥底軟綿綿，一食落去夠熱同好香粥香和海鮮香。海鮮十分新鮮而香口，雞肉夠嫩而大件份量多。推介好味道！！
餐牌都十分精美，圖文都好詳細，如一些砂鍋粥，小米餃之類都有講食品的資料都不錯。價錢也不貴，所以今次我地叫左一些小食，粥和粉，大約每人都係$170，唯一係這裡係有加一！～當然黎到心夜記得問要辣醬，因為少辣而香口，必叫！～
张贴
