沙嗲王 (已結業)

和男友都幾喜歡呢度的，有時係銅鑼灣想找地方食飯都幾頭痛。呢度夠大，同食品款式都幾多。我地點了泡菜豚肉石頭鍋湯飯。嘩，送到的時候，d湯仲係個鍋裡BOK BOK BOK咁，睇落非常開胃! 男友話好辣，但係我就剛好。好開胃，鍋內的豆腐好滑，好好味。石頭飯的好處係，食到尾都仲係熱。葡汁焗四蔬，四蔬包括西蘭花，薯仔，紅羅白仔同粟米仔，呢個一如以往咁好味。椒鹽軟殼蟹，除了軟殼蟹四件之外，仲有配了椒鹽茄子。它配一個辣辣地的酸汁，真係幾好味。不過略嫌油膩小小。椒鹽多春魚，一份有六條，好香脆。呢度真係可以黎多幾次。