上車車仔麵 (已結業)

難得出到石門，當然試試平時少食既人氣店舖——上車車仔麵。店舖係外賣期間推出優惠，同街坊共渡難關，所以好多人嗌外賣享受優惠。至於堂食都唔少人，好彩唔使等位就可以坐低。🎈環境：餐廳以比較舊式的裝修，一張摺枱加上圓凳，老式車仔麵風格。🎈餐牌：同坊間的車仔麵選擇一樣，花多眼亂，我揀選平時食開的牛柏葉、牛面肉、魷魚。✨牛柏葉同魷魚都非常爽口，絕對適合做車仔麵配搭。✨牛面肉醃得好入面，濃濃的牛肉香加埋啖啖肉，正！✨胡椒湯底唔算辣，飲落好似豬肚湯咁，拎黎做車仔麵湯底相當特別，而且米粉吸收晒胡椒味特別好食。🎈總結好食既車仔麵買少見少，上車有回頭再食既潛質。