鮨釧 (已結業)

之前朋友介紹過呢間嘅午市既omakase 性價比高，仲讚師傅細心，食材又新鮮。今次我夜晚去到就試咗晚市omakase，果然有驚喜，食得好盡興。釧 Kushiro: $1380師傅介紹呢一個係廣田灣真蠔，都算幾厚肉，加上師傅嘅調味啱啱好令到本身嘅海水味冇咁鹹。呢幾度前菜除咗有賣相，食落都好好食。水果蕃茄真係好清甜又多汁，至於沢蟹炸得好香脆。秋刀魚壽司非常之新鮮。呢件大拖羅壽司即使冇炙燒過，但都幾肥美，加上竹炭鹽令到件壽司更加出色。呢一個金目鯛壽司可以係話8件壽司入面其中我最鍾意嘅一件，火炙過之後好香，入口嗰一下，啲油脂簡直係口中大爆發，相當肥美。白子茶碗蒸，白子食落去非常軟滑，連埋蛋食更加帶出佢嘅鮮味。成晚食得非常之開心，朋友果然冇介紹錯，晚市都一樣咁正。