Coti (京瑞廣場2期)

营业中

休息中

石門出名多小店同美食，今次嚟到附近行街見到有間coffee shop好別緻，裝修係木系風格，Menu菜式都幾啱我口味。我地兩個人叫咗兩個lunch套餐，分別係蒲燒鰻魚飯同全日早餐，飲品就揀咗黑白朱古力咖啡同天然蜂巢咖啡☕️-全日早餐🍳材料有炒蛋、香腸、雞排、沙律菜、茄汁豆、多士，最特別係仲有哈密瓜肉🍈 份量十足，配料又夠豐富，性價比好高。我最欣賞就係炒蛋同雞排，炒蛋夠嫩滑蛋香味濃郁，雞排肉質嫩滑食落多汁。-蒲燒鰻魚飯🍛鰻魚肉份量好足料又夠厚肉，啖啖肉配埋飯同鰻魚汁真係無敵，旁邊仲配有沙律菜同玉子，好豐富食落好滿足～-天然蜂巢咖啡🍯咖啡、奶同蜂蜜上桌時係分開放嘅，首先可以將咖啡倒入牛奶，然後再加入蜂蜜攪拌均勻，就完成一杯甜甜蜜蜜嘅蜂蜜咖啡啦，好有儀式感呀😌 咖啡飲落唔會太甜，反而飲到有蜂蜜嘅清甜，同咖啡味道balance得好好。-黑白朱古力咖啡🍫透明嘅杯身上已經見到有黑白朱古力醬，配埋咖啡真係好夾，飲落唔算太甜，朱古力味亦都唔會蓋過咖啡味。順帶一提，佢哋嘅咖啡都會配有一小塊咖啡豆蛋糕，作為甜品為呢餐畫上完美句號。