一樂小鍋 (已結業)

今日去開沙田行街 經過石門京瑞廣場果邊順便搵下平野醫肚 臨近糧尾冇咩錢 見到商場角落有間地方細細叫一樂小鍋嘅鋪頭 睇真d唔止係食打邊爐 仲有車仔面 話明係車仔面 岩晒我地呢d窮西 老闆娘幾nice招呼我地又推介野食咁 咁我就叫左牛柏葉+糖心蛋+咖哩玻璃魷魚出前一丁 汽水豆漿都係加3蚊 我朋友就叫左生菜+原味酸齋+菜肉蒸餃烏冬 加埋秘製腩汁真係冇得輸 原本想試下個招牌鮑汁花膠同牛爽 但已經售罄 招牌八寶面都係48蚊 8款指定餸 岩晒大胃王 下次再幫襯 會試埋佢個火鍋 見到d食材都幾新鮮嘅