一樂小鍋 (已結業)

石門自從新商場開咗之後，人流變得非常旺，入面仲有唔少餐廳，呢間位於一樓嘅角位，好易走漏眼呢。餐廳面積唔算大，裝潢舒適。餐牌就一張紙，主打車仔麵，最特別嘅係佢用冇落味精嘅豬骨湯底！仲有好多唔同面底選擇，例如菠菜麵、紅菜頭麵、泉水烏冬等。餸菜方面選擇都唔少，亦有特別嘅選擇，例如金錢肚、菜肉餃、五香豆腐，唔係度度車仔麵都有。我和朋友一人點左一碗三餸麵，落單不久後就送上。我的是秘製金錢肚（$13）、菜肉蒸餃（$13）、五香豆腐（$10）、紅菜頭麵（$14）+ 秘製辣汁，揀左小辣，但真係幾辣下...!!!!!個人認為個麵底最出色，爽口彈牙！秘製金錢肚同五香豆腐，酸味很重，豆腐是蜂巢豆腐 ，一咬落去酸汁必哂出來。而菜肉餃是餐廳包的，不錯。朋友的豬大腸（$10）、咖哩玻璃魷魚（$13）、響鈴卷（$7）菠菜麵（$14）。菠菜麵一樣好食！咖哩魷魚是另上的，咖哩汁唔會整花個湯既味，好貼心，但魷魚溫度很凍。響鈴則浸住湯上，淋哂，如果呢個都另上會更好。