小草十八怪石鍋米線 (已結業)

記得之前呢個位係食台灣菜，而家就變咗食米線，非常特別！特別再有得食石鍋米線，又有其他中式嘢食揀，款式多多。而且需要上一層樓梯，感覺上無論私隱度，定係環境都正及寬敞好多。石鍋米線 $85可以自己選擇九款唔同嘅餸菜，相當豐富，湯底又可以自己揀，掂晒！酸菜魚湯酸酸地非常開胃，不過要小心啲唔好碰到個石鍋，好熱架。滷水雞腎滷水腩肉墨魚丸嫩滑雞肉美國肥牛響鈴鵪鶉蛋羊肚菌+小草十八怪醬總共九款唔同嘅餸菜，樣樣都唔錯，每樣食少少，都真係幾豐富！細細粒好精緻！比較特別嘅係小草十八怪醬，味道鹹香有層次，另外啲米線好有彈性，比較幼身，幾好食。土魷馬蹄香菇肉餅荷葉飯$48有好香嘅荷葉味，飯唔會太多，但係夠飽肚，土魷馬蹄香菇肉餅味道鹹鹹香香，韭菜豬紅$18 估唔到好多粒，好滑，有啲鹹香，韭菜喺晒個底，數量亦都算豐富。青檸薄荷梳打+$12芒果凍頂烏龍茶+$12 飲品方面最令人驚喜嘅係估唔到咁鬼大杯，比平時嘅飲品起碼大兩倍！而且佢雖然原價$25 ，但係跟嘢食只係加$12 ，抵！烏龍茶茶底清香，加上芒果味甜甜地，好不錯。 朋友嘅青檸薄荷梳打都係小清新，唔會太甜。串燒秋刀魚$20雞中翼$15蒜蓉燒扇貝$20 ×2金菇$