堅石燒 (已結業)

今晚去旺角銀座廣場LG的堅石燒，當然要食扒，豬牛羊雞魚任君選擇，叫了餐牌上第一款日本A4和牛肉眼蓋200g $298，都有好多塊，肉質非常嫩滑，一片一片慢慢燒，又好玩又好食，未食已聞到香味。另加$18享用自助吧，包括意粉、沙律、湯、凍熱飲品、甜品等，甜品有雪糕、果凍，任食任飲。怕食和牛不夠飽，叫了一個韓式豚肉石鍋飯$78，都好大碗，而且好足料。小食叫了泡菜餃子$28 有四隻，韓國風。食完肉都想叫個菜，芝士白汁煙肉焗西蘭花$28也不錯。