神石燒牛扒水產專門店 (新達廣場) (已結業)

有時見到佢外面有人排隊，又聞到燒肉味幾香，就諗住試試。打開餐牌都有唔算少嘅肉類選擇，由於選擇困難，結果就揀咗美國極級安格斯三重奏，好似樣樣都有可以一次過試多啲。美國極級安格斯三重奏話明三重奏，包括3款唔同部位：牛膈肌，牛頸脊，漢堡扒。由於每款都係切咗一小部分，有少少要睇彩數係切咗邊個位，總括嚟講，我份牛膈肌同牛頸脊都有筋，好影響口感；而漢堡扒就太乾，可能放咗係石燒上面，燒得太耐。今次可能選擇錯誤，試完的確有些少失望。