平民扒房@友蠔食 (已搬遷) 新店位置

是日去左食呢間通菜街轉入嘅平民扒房。入面裝修都幾靚，唔講都唔覺係平民餐廳！本身有餐湯。係比較甜嘅蕃茄湯。澳洲和牛（$148）食落冇乜筋，果然係好嘢。呢度嘅熱石有一熱一凍，係一邊燒完之後就要搬去另一邊攤番凍。味道好出色，加上上面嘅蒜蓉非常夾。另外跟左洋蔥汁，令味道更提升！燴龍蝦忌廉意粉（$108）呢個有原條龍蝦尾，仲有鉗，仲有三文魚籽，幾足料！意粉蒜香味重，忌廉唔算好多所以唔會好膩。柚子蘇打（+$12）味道比較甜，不過夠自然。蘇打夠曬多氣飽飽肚。