秘 (偉晴街) (已搬遷) 新店位置

今日落大雨出唔到去覓食，就係屋企附近轉左個圈決定入黎食吉列牛仲記得當年第一次隻身去東京闖盪既時候，冬天走左入一間食吉列牛既餐廳永世難忘，所以對吉列牛有情意結。入返正題本身想試傳統吉列牛，但又好奇松露同吉列牛可以點夾就試左。再加20蚊轉定食（味素飯+糖心蛋）定食一黎到就試左牛先，唔用任何醬汁已經好夠味，相反加左燒肉汁會蓋晒D味，希望佢地可以轉清爽D既汁啦。飯睇得出用日本米，但唔知係咪落太多水，加埋飯素太濕令到夾唔起黎食。配菜沙律無咩特別，如果落少少沙律汁會食得晒。糖心蛋就食得出有落過功夫，好入味同埋生熟度控制得幾好整體黎講食得過，話晒主角係牛，份量夠同埋上菜快係優點。有機會下次試埋傳統吉列牛。