影片
更多
2019-07-06
100 浏览
係荃灣返工既舊同事食過介紹既，之前都有同佢係呢附近食過晏，附近都多選擇又有熟食中心。呢間野午餐較午餐抵食啲，舊同事都叫左其他同事仔黎試，大家都覺得好食。我地八點三去到有幾對情侶同一行六人等緊位，等左陣大家都陸續入得，大概九點左右晚飯人潮開始散去，餐廳收十點，夜收工既朋友仔，八點半至九點去到應該唔洗點等位。我地叫左份石燒香草吉列牛，初見咩仙氣壽司拼盤，兩份都加左$35蚊轉套餐，有刺身或刺身粒沙律+日/西湯+熱飲。餃子雞翼(其實想試芝士雞翼，指錯左)，雞軟骨餃子，加錢轉左餐，有每款小食減五蚊優惠。餐個蘋果綠茶幾好飲，影低左諗住去超市搵下，天氣咁熱，餐廳無凍茶飲，要飲熱都幾惡頂😢，不過有汽水，但如果有凍水提供就更好。石燒吉列牛，我地燒到好香，食既過程好好玩，吉列好脆，最吸引我係隻半熟蛋又靚又好味。仙氣壽司拼盤，餐牌無圖，淨睇名真係一啲都唔吸引，黎到又真係幾仙氣啵～隨便影都咁靚，而且唔係淨係得個樣，件件都係咁新鮮好食。原本我諗住就咁叫兩份吉列牛算數，因為食評啲相一律都係牛咁濟，好彩叫左個壽司拼盤，因為真係好食，推介大家試下。加35蚊多左碟四片既刺身，都幾好食，或者個沙律啲菜都好爽脆。小食餃子雞
呢間野午餐較午餐抵食啲，舊同事都叫左其他同事仔黎試，大家都覺得好食。
我地八點三去到有幾對情侶同一行六人等緊位，等左陣大家都陸續入得，大概九點左右晚飯人潮開始散去，餐廳收十點，夜收工既朋友仔，八點半至九點去到應該唔洗點等位。
我地叫左份石燒香草吉列牛，初見咩仙氣壽司拼盤，兩份都加左$35蚊轉套餐，有刺身或刺身粒沙律+日/西湯+熱飲。
餃子雞翼(其實想試芝士雞翼，指錯左)，雞軟骨餃子，加錢轉左餐，有每款小食減五蚊優惠。
餐個蘋果綠茶幾好飲，影低左諗住去超市搵下，天氣咁熱，餐廳無凍茶飲，要飲熱都幾惡頂😢，不過有汽水，但如果有凍水提供就更好。
石燒吉列牛，我地燒到好香，食既過程好好玩，吉列好脆，最吸引我係隻半熟蛋又靚又好味。
仙氣壽司拼盤，餐牌無圖，淨睇名真係一啲都唔吸引，黎到又真係幾仙氣啵～隨便影都咁靚，而且唔係淨係得個樣，件件都係咁新鮮好食。
原本我諗住就咁叫兩份吉列牛算數，因為食評啲相一律都係牛咁濟，好彩叫左個壽司拼盤，因為真係好食，推介大家試下。
加35蚊多左碟四片既刺身，都幾好食，或者個沙律啲菜都好爽脆。
小食餃子雞翼都幾大隻好香口，雞軟骨餃子都唔錯。
餐湯係普通既麵鼓湯或南瓜湯，如果認為四片刺身，湯同熱飲值35蚊就加啦，但個四片刺身都算大片同幾好食新鮮既。
另外，店員好熱心招呼，其中黑衫男仔，好努力應付各枱客人，忙著四圍走，一臉都係汗，很熱血的感覺，很欣賞。
张贴
