豐石板燒專門店 (已結業)

石板燒牛扒開到成行成市，令到食牛扒更加方便之餘，價錢亦都越嚟越平，選擇越來越多。今日去到旺角就見到呢一間石板燒，同其他石板燒專門店一樣，呢度都係採取半自助、半任食形式，只需order一份石板燒，就可以任食白飯、沙律，同埋任飲餐湯。我哋點左最平嘅兩個套餐，分別係美國Prime肩胛肉眼同埋美國Prime 封門柳。肩胛肉眼口感比較軟淋，肉味相對冇咁濃郁，脂肪分布平均，對於鍾意食口感比較淋嘅朋友比較適合。封門柳我就覺得最抵食，有咬口之餘又唔會太鞋，而且肉味濃，質素非常好。另外值得一提嘅係呢度嘅沙律都係以樽仔裝好，食嘅時候只要成樽拎起就得，方便之餘又衛生。二白飯都有飯素可以俾加落去，又或者加啲燒肉汁，味道都唔錯。