慢煮工房 (已結業)

經過見個呀嬸派傳單，貌似新開張，同两個朋友即管去試下，果然見好多花籃。坐低見個餐牌同環境，似走中高路線。午餐由$70~$160不等，我地點左个牛仔肋，紅米飯同豬頸肉沙律，上菜唔算好快，可以接受。送餐湯同飲品。湯係椰菜花忌廉湯，又幾好喎，入口creamy,牛油同椰菜花味，重唔兌有麵粉味。牛仔肋入口好嫩，个汁應該係牛骨熬制，味濃而有層次。配菜係忌廉薯，入口即溶，非常好。擺盆亦算可以。有驚喜。個豬頸肉亦嫩，見到慢煮嘅功架。炒茴香及火前菜做配菜，炒茴香好正，好小有，火箭菜好新鮮，正。朋友个后來改左個双層肉醬意粉。佢話用牛肉粒溝落肉醬度有兩個口感好正喎。食物方面好用心，正。一定要再黎試下。