影片
更多
2021-01-27
291 浏览
朋友同我講話去私竇，我以為係一間member’s only 嘅餐廳。去到短短嘅磅巷入面，先發現原來唔係私竇，係C-Dou。見到個店名，我已經會心微笑，欣賞店主嘅幽默同創意。C-Dou裝修簡潔得來又有style。佢採用開放式設計，餐廳門口放咗兩張枱，半露天，適合顧客帶埋心愛嘅寵物一齊用餐。店主親自細心地同我地介紹餐牌，雖然口罩遮蓋左半塊面，但係親切嘅語氣同友善嘅態度係遮唔住嘅。最重要嘅係眼神，互相對望時，你會感覺到對方有冇認真咁去同你傾談。（我好怕遇到眼神散慢、唔敢正視對方嘅人。我會即刻冇晒興趣同佢講嘢。）食物方面主打輕食，有沙律、窩夫、意粉等。我地今次試咗兩款菜式、一款甜品同兩杯咖啡。食材新鮮而且性價比高。➡️鷄肉窩夫三文治（$128）脆脆嘅窩夫上面放咗新鮮嘅沙律同帶有印度風味嘅雞肉，微辣，又IG able 又好食。➡️卡邦尼意粉 Carbonara ($88)餐廳人氣No. 1嘅菜式。食得出醬汁有别於一般嘅cream sauce，煙肉煎到金黃色，廚師應該用咗幾款唔同嘅芝士去烹調，特別香濃。➡️自家製意大利芝士餅Tiramisu ($58)賣相精緻，份量十足，可以夠兩個女仔share。Tir
C-Dou裝修簡潔得來又有style。佢採用開放式設計，餐廳門口放咗兩張枱，半露天，適合顧客帶埋心愛嘅寵物一齊用餐。
店主親自細心地同我地介紹餐牌，雖然口罩遮蓋左半塊面，但係親切嘅語氣同友善嘅態度係遮唔住嘅。最重要嘅係眼神，互相對望時，你會感覺到對方有冇認真咁去同你傾談。（我好怕遇到眼神散慢、唔敢正視對方嘅人。我會即刻冇晒興趣同佢講嘢。）
食物方面主打輕食，有沙律、窩夫、意粉等。我地今次試咗兩款菜式、一款甜品同兩杯咖啡。食材新鮮而且性價比高。
➡️鷄肉窩夫三文治（$128）
脆脆嘅窩夫上面放咗新鮮嘅沙律同帶有印度風味嘅雞肉，微辣，又IG able 又好食。
➡️卡邦尼意粉 Carbonara ($88)
餐廳人氣No. 1嘅菜式。食得出醬汁有别於一般嘅cream sauce，煙肉煎到金黃色，廚師應該用咗幾款唔同嘅芝士去烹調，特別香濃。
➡️自家製意大利芝士餅Tiramisu ($58)
賣相精緻，份量十足，可以夠兩個女仔share。Tiramisu 配合藍莓同朱古力醬一齊食，咖啡味濃之餘，口感易唔膩。
➡️ 冷萃咖啡 Cold Brew ($48)
咖啡香醇滑順，而且苦味低。我鍾意Cold Brew不需再加其他東西，就可以品嘗到純淨嘅咖啡豆的芬芳。
➡️泡沫咖啡Cappuccino ($42 large size)
牛奶泡沫豐滿綿密，咖啡味道濃而口感順滑，層次分明。
當我同朋友傾緊計時，我聽到店員提醒準備坐低嘅客人枱面啱啱抹乾淨，可能有少少濕，十分貼心。
後來同店主閒談之間，仲發現C-Dou 呢個名嘅背後意義。原來包含了4個C：Creativity，Culture，Conservation and Charity。店主簡單咁講佢自己係做室內設計，所以着重創意；喜愛本地文化，會跟擁有相同理念嘅人去合作舉辦活動，互相交流；最近C-Dou易對前國泰和港龍嘅空中服務員提供工作機會；餐廳更會參加慈善活動，部分收益仲會捐俾有關機構。雖然店主只係略略咁講解，但係我哋都感受到佢嘅誠意。
C-Dou唔單止係朋友之間嘅私竇、街坊鄰里嘅聚腳點，仲係一間乘載住溫暖人情味同替大家送上快樂正能量嘅小店。
张贴