翟道翟棉棉冰 (已結業)

晚飯後去旺中覓食，無他嘅，就係見到早幾日Facebook 上有介紹呢度有間外賣泰式綿綿冰店。當晚見到舖面細細，兩位店員都忙過不停。芒果糯米飯綿綿冰（$48）即叫即整，賣相首先已經一流，雖然店舖外面冇位食，但碗底有個手握位，邊行邊食都冇難度。輕輕一舀，面頭嘅椰子忌廉同綿綿冰融入口中，芒果冰味道尚可，糯米飯亦份量頗多，仲有粒粒呂宋芒果肉，其實都幾大碗，適合2-3個人一齊share。再整多杯飲品。泰。pink lady ($28)泰式街頭飲品，由牛奶、煉奶同泰式紅糖漿製成，夏天飲一流！