影片
更多
2016-10-26
3431 浏览
呢間韓國fusion餐廳將菜名改得好引人發笑地詩情畫意，食物賣相亦好靚，不過質素就有啲參差喇［老姑壇繁花盛開，$78］ - 墨魚汁炒粉絲配蔬菜、香菇及海鮮上菜時粉絲同餸係分開上嘅，有蝦、魷魚、冬菇、甘荀等，食嘅時候撈勻佢食就得。墨魚汁其實冇乜味，所以食落其實同平時嘅韓式粉絲差唔多味PS. 侍應喺托盤拎起碟餸嘅時候跌咗一隻蝦，變咗我哋剩得一隻… 以為佢會補返隻俾我哋但冇囉...［升上神仙臺，$128］ - 特製醬油五花腩切片拌時蔬及醃蘿蔔腩肉夾起時仲見粉紅色，想叫侍應換過份俾我哋，但原來呢個腩肉係用低溫浸咗四個鐘煮成嘅，所以係會有少少粉紅。塊肉食落口幾腍，亦有種甜味，豬特有嘅臭味都辟走咗，好味［向著月兒唱羌羌水月徠，$108］ - 薯仔煎餅配多種海鮮、椒絲及香葉全枱人一致覺得唔好食嘅一樣碟菜。一擺落口，剩係食到油味… 餐牌話「多種海鮮」但食嚟食去都係得八爪魚，仲要係冇味嘅… ［三光寺的燃燈節，$98］ - 甜辣醬炒雪人年糕配釜山炸魚糕串炒年糕雖然煙韌，但入面落咗太多魚糕，令到成兜都過腥。隔離碗嘅炸魚糕串亦太油［智異山日出時分，$118］ - 生拌牛肉配自製甜黑醋及時蔬雖然有生蛋黃令牛肉入
［老姑壇繁花盛開，$78］ - 墨魚汁炒粉絲配蔬菜、香菇及海鮮上菜時粉絲同餸係分開上嘅，有蝦、魷魚、冬菇、甘荀等，食嘅時候撈勻佢食就得。墨魚汁其實冇乜味，所以食落其實同平時嘅韓式粉絲差唔多味
PS. 侍應喺托盤拎起碟餸嘅時候跌咗一隻蝦，變咗我哋剩得一隻… 以為佢會補返隻俾我哋但冇囉...
［升上神仙臺，$128］ - 特製醬油五花腩切片拌時蔬及醃蘿蔔腩肉夾起時仲見粉紅色，想叫侍應換過份俾我哋，但原來呢個腩肉係用低溫浸咗四個鐘煮成嘅，所以係會有少少粉紅。塊肉食落口幾腍，亦有種甜味，豬特有嘅臭味都辟走咗，好味
［向著月兒唱羌羌水月徠，$108］ - 薯仔煎餅配多種海鮮、椒絲及香葉全枱人一致覺得唔好食嘅一樣碟菜。一擺落口，剩係食到油味… 餐牌話「多種海鮮」但食嚟食去都係得八爪魚，仲要係冇味嘅…
［三光寺的燃燈節，$98］ - 甜辣醬炒雪人年糕配釜山炸魚糕串炒年糕雖然煙韌，但入面落咗太多魚糕，令到成兜都過腥。隔離碗嘅炸魚糕串亦太油
［智異山日出時分，$118］ - 生拌牛肉配自製甜黑醋及時蔬雖然有生蛋黃令牛肉入口滑啲，但生牛肉係有少少韌，亦有筋味道方面，係有麻油香嘅韓式生牛肉味道，但如果好似傳統嘅生牛肉咁有雪梨會更加好味
［如果在小每勿島上搭橋，$268］ - 西冷牛排迷迭香蒜香配海鹽檸檬，特製甜辣醬及蒜香介末牛肉質素高嘅話，道菜已有經可以拎到70分。呢塊西冷算唔錯，牛味都幾濃，又嫩，點少少海鹽已經好夠味
张贴
