GoodDay BadDay MamaDay (已結業)

星期五晚同朋友去放鬆下叫左個龍蝦意粉、是但求其乜都炸、咸蛋牛油果🥑蟹薄批、豬頸肉、檸茶沙冰、椰子沙冰龍蝦意粉隻龍蝦好大隻，好打卡able👍🏻👍🏻意粉仲有幾粒蝦肉，好creamy，唔算好有龍蝦味，但啖啖肉，好爽脆彈牙。Pizza有蟹鉗，岩岩熱辣辣果陣食唔太到咸蛋味，反而放凍左就好香咸蛋香。本身好鍾意食牛油果，牛油果大舊啲會開心啲😆😆乜都炸，有薯條、炸蠔、雞翼、炸魚，正常水準，可以邊傾計邊咬😋😋豬頸肉醬汁好好味，燒完好香口，仲有蝦片、沙律同埋細細個木魚碎烏冬，好抵食。豬頸肉夾埋蝦片意外地夾！呢個一定要叫！仲有兩杯野飲，夏天飲沙冰真係好涼爽，尤其檸茶沙冰好好飲，不過融左冰就好似飲緊檸茶😂😂