指月 (已結業)

呢間新開餐廳一開始經過唔知佢係食啲乜嘢，裝修木系簡單風格，好有日式格局嘅木枱櫈。睇個名都睇唔出係食乜，攞起餐牌就見到係主打牛腩牛雜麵，$62一碗牛雜麵以旺角區嚟講價錢都唔貴，但係識落就知咩料啦。

除咗牛雜粉麵之外，餐廳仲有其他中式嘅菜式例如係炒牛河，炒米粉，揚州炒飯。我叫咗一碗五香牛雜跟新竹米粉，雖然等咗25分鐘先有得食，個湯飲落冇乜味精，牛雜係大大件乜都有，不過就似係斬D頭頭尾尾加落去。牛雜煮得都淋，但係腸同肚嘅部份連埋咗好大舊脂肪，就咁喺張相度都見到碗中間有一舊白色嘅肥膏好油食唔到！個人唔太鍾意太油膩，同埋唔算好食，加上又等得耐，所以成個感覺麻麻地。

1