好豆製研究所 (已結業)

呢派好hit嘅黃色經濟圈- 相信大家行街都一定會見到黃店。今次倖存者試嘅呢間Bean Lab每次經過都見到好多人排隊，今次難得無咩人，一於試試佢！芝麻豆漿（無糖）$22店只賣同豆製品有關嘅產品！各色各樣嘅豆漿- 一定要提！豆漿口味繁多，仲有無糖有糖揀，迎合現代健康主義，岩晒口痕又要健康嘅咁多位。豆腐可以揀凍或熱，倖存者揀咗熱，臨拎豆漿時，店員都好有禮貌提醒小心熱度。豆漿樽用料算高質，唔會因爲熱而變形。但飲落芝麻味濃度一般，豆味濃度尚可改進，口質偏黏，沒有太大驚喜，以性價比黎講仲可以有進步空間。