老馮茶居 (大棠路)

营业中

休息中

而家係睇紅樹嘅季節，特登親平日放假冇咁多人去咗大棠睇楓香林嘅紅樹，就搵到呢間舊式嘅茶樓但裝修係新潮嘅，師傅亦都應該係舊派嘅師傅。選呢間嘅原因係因為對面就可以搭港鐵巴士k66號直接上楓香林，咁嘆完茶就可以起行。平日成三點幾嚟食呢間以為等位冇咁多人點知等下等下等足一個鐘真係等到人都痴線。但好在食物質素都還高，嚟嘅時候熱辣辣都算係高質素嘅食物但等位實在等得太耐下次都未必會考慮。等位期間見到出面貼咗唔少飲食雜誌嘅報道，相信佢應該都係值得推介嘅一間食店。我覺得必食嘅就係鵪鶉蛋燒賣王，仲點咗鮮蝦脆皮卷，因為這些已經係現行酒樓比較少有嘅美食。夥記員工沖茶等手腳都好快，整體嚟講上菜同沖茶嘅速度都快不需要等好耐。環境亦都係打卡嘅熱點，用咗以前懷舊嘅裝修，水吧亦都用咗舊排檔嘅傢俱，值得大家可以嚟影相同嘆茶。