更多
2020-01-28
1308 浏览
刚刚写完Mono, 挑起条筋，又写下近排两间热门法国餐厅， L’Envol by Olivier Elzer 同 LOUISE by Julien Royel; 今次先讲L’Envol.Chef Olivier Elzer 系法国厨神 Joël Robuchon 弟子，认识Chef Olivier由 Pierre 开始，之后L’Atelier de Joel Robuchon再到自己开Seasons，最后佢同老细反枱去咗 W Hotel 一段短时间再到现在 L’Envol. 老实讲，Seasons 我觉得真系一般，W 嘅 Kitchen 就... 不提也罢！自去年六月到最近一共去过L’Envol 5 次，说实话L’Envol 呢类fine dining 餐厅并非我杯茶，一去再去只因太多朋友想试，而小弟又系一只唔错嘅饭脚！上个月 Sommelier Phenol 大哥话menu 同 wine pairing 都 fine tune 咗，又去探吓Chef Olivier 兼同 Phenol 大哥吹吓水。朋友未去过就试Signature menu，我就再试Prestige menu，两个都
Chef Olivier Elzer 系法国厨神 Joël Robuchon 弟子，认识Chef Olivier由 Pierre 开始，之后L’Atelier de Joel Robuchon再到自己开Seasons，最后佢同老细反枱去咗 W Hotel 一段短时间再到现在 L’Envol. 老实讲，Seasons 我觉得真系一般，W 嘅 Kitchen 就... 不提也罢！
自去年六月到最近一共去过L’Envol 5 次，说实话L’Envol 呢类fine dining 餐厅并非我杯茶，一去再去只因太多朋友想试，而小弟又系一只唔错嘅饭脚！上个月 Sommelier Phenol 大哥话menu 同 wine pairing 都 fine tune 咗，又去探吓Chef Olivier 兼同 Phenol 大哥吹吓水。朋友未去过就试Signature menu，我就再试Prestige menu，两个都配wine pairing *原则上同一枱客人系要order 同一个menu 嘅，but... 识人系可以有例外嘅😝
Fine tune 主要系 presentation 同 wine pairing，食物大致冇变，Signature menu 朋友同我都觉得头三度菜比较好，分别系
Le Filet De Boeuf Du Piemont (牛肉鲍鱼他他)，L’oursin D’Hakkaido (北海道海胆)同 Le Homard Bleu Breton (法国蓝龙虾)。
Prestige menu 以鱼子酱配香槟同白酒为主，个人最钟意系第二度Le Shadi de La Maison Nordique (Shadi鱼子酱配蛏子) 同第三度 L’Ossetra Tsar Imperial Petrossian (Tsar Imperial鱼子酱配鸭蛋)。
酒单加咗唔少精品，Wine Pairing 我比较喜欢Prestige menu 个酒单。由7点食到接近11:30, 同Chef Olivier 倾咗一阵加埋朋友集邮打卡已经午夜12点，佢反而话我阻人收工！？
如果你系芝士/甜品痴，L’Envol 架cheese / sweet truck 一定唔会令你失望，冇错，系truck 唔系车仔，大到呢！！ 识食又食芝士嘅一定要试法国Pays Basque少量生产嘅24 months Artikadza 同产自Auvergne火山区嘅半硬法式芝士 Le Salers， 配餐厅精选伊朗蜂蜜，白巧克力、无花果等，正！朋友系芝士狂加上靓仔法籍经理同我朋友话想要几多款都得😊😊 ！老实不客气，试咗十款以上😝
约会庆祝L’Envol 系唔错嘅选择，前题系荷包有番咁上下厚😝 Olivier Elzer 加 St. Regis (Marriott 旗舰品牌)无论环境，服务，食物，酒都俾到合符预期嘅质素，摘星亦系意料之内。however; 以咁嘅 price tag，选择其实好多😄 新Amber 系其中之一
张贴