一見平餐有扭扭粉，二話不說就買左，只係17蚊，飲即磨咖啡都係多1蚊，抵啦，點知。。。。我睇漏左mini....
拎外賣時只是一個袋包的袋，原來mini係以前出湯時的盒size, 內裡放扭扭粉外，就得少少雜豆及一隻蛋，食齋添。
味道更。。。上次都有d豬骨味不錯，今次係重口味，可能職員太累忙中加料，加雙份，口味都雙份重，又浸到肥哂(由餐廳到公司開餐之間只隔5分鐘)。蛋是比較好的一樣，煎得適中。
咖啡就仲慘，平時飲開熱咖啡，點解會飲到暖。。。。。。。由於職員一次過大量製作，放枱等人叫就即入袋，我懷疑我嗰杯咖啡早在一個鐘以上前就做好。。。失望！
