影片
更多
2012-12-27
10 浏览
去九龍塘又一城行街街,阿女睇人地溜冰睇到話要溜埋一份,當然唔得啦,阿女都未夠秤。(三歲以上才可以學㗎)冇得玩就唯有食嘢啦!十二點,見冰場對面Habitu有枱,食個早餐先要了All day breakfast, sausages and mash, rose latte and latte。Rose latte最先到,飮咗一啖就深深體會到為何是"名物",咖啡味同玫瑰味不但冇衝突,兩者並存,一山藏二虎係work㗎。我刻意沒有將咖啡同玫瑰糖漿搞均,我發覺没有發生初頭玫瑰味很淡而最後糖漿太甜,每一啖都係平均的咖啡味同玫瑰味,好明顯糖漿的多寡同下材料的次序都精心調校過 。再來All day breakfast,所有野都係正常味道,炒蛋嫩滑,煙肉唔咸,腸仔juicy,仲有炒蘑菇,茄汁豆同番茄仔,其中番茄仔最好,番茄本身係外國種,比較甜,圓大同多汁,加上小小橄欖油同鹽去焗,表皮小小咸,入面清甜多汁,好食!多士外脆內軟,加埋玫瑰士多啤梨醬,我女超鐘意。講到好似好好,但衰在一樣野:唔熱,以上所有野係微微䁔,仲有凍的煙三文魚,幾好食都跌watt。我諗餐廳真係要好好正視唔夠熱的問題,至小,香腸唔夠熱會令人覺
冇得玩就唯有食嘢啦!
十二點,見冰場對面Habitu有枱,食個早餐先
要了All day breakfast, sausages and mash, rose latte and latte。
Rose latte最先到,飮咗一啖就深深體會到為何是"名物",咖啡味同玫瑰味不但冇衝突,兩者並存,一山藏二虎係work㗎。我刻意沒有將咖啡同玫瑰糖漿搞均,我發覺没有發生初頭玫瑰味很淡而最後糖漿太甜,每一啖都係平均的咖啡味同玫瑰味,好明顯糖漿的多寡同下材料的次序都精心調校過 。
再來All day breakfast,所有野都係正常味道,炒蛋嫩滑,煙肉唔咸,腸仔juicy,仲有炒蘑菇,茄汁豆同番茄仔,其中番茄仔最好,番茄本身係外國種,比較甜,圓大同多汁,加上小小橄欖油同鹽去焗,表皮小小咸,入面清甜多汁,好食!多士外脆內軟,加埋玫瑰士多啤梨醬,我女超鐘意。講到好似好好,但衰在一樣野:唔熱,以上所有野係微微䁔,仲有凍的煙三文魚,幾好食都跌watt。我諗餐廳真係要好好正視唔夠熱的問題,至小,香腸唔夠熱會令人覺得又漏又滯。
跟着 Sausage and mash 來了,點這個是為了個薯蓉,阿女可以有啲飽肚的野食,個薯蓉做得幾好,牛油唔多,唔會搶咗薯仔味,攪得夠滑,冇薯粒(雖然我個人喜好係鍾意有粒粒薯仔,但跟據一般西菜準則,係要夠滑才成),香腸比起all day breakfast好啲,比較暖(比較暖而已),而食味就差唔多。
而爸爸的latte就冇試,據聞ok。環境唔算嘈雜,侍應服務勤快有禮,雖然食物好味,但all day breakfast的温度太低,只能給她一個OK面。
题外话/补充资料：
一點多埋單的時間超多人排隊,唔想排隊等食就要就啱時間啦。
(以上食记乃用户个人意见 , 并不代表OpenRice之观点。)
张贴
