鴻運冰廳餅店 (已易手) 新餐厅

同男朋友入到去第一下感覺係... e... 錦熟口面既？好似喺港產片入面見過！！ 四圍望望，餐廳的瓷磚、吊燈，門口的麵包櫃真係充滿懷舊風味，回想返細細個都成日同媽咪喺呢d 舊冰室食野，然後麵包師父會不停將一盤盤的菠蘿包托出黎～ 剛好樓下滿座，員工叫我地上去上層（第一次去冰室會有閣樓) 幫我地落單的員工係年紀較大的伯伯，相信喺度做左好耐，經驗老到，落單勁快手！我叫左『經典特餐』始終舊冰室的奶茶飲起來特別香滑，完全不會澀口；公仔麵的麵質非常煙韌，牛肉軟腍，舊冰室的味道 ～雖然現在好多新式冰室，但舊式冰室的感覺和味道就係代替唔到