Honbo (已結業)

貴為2020年全球最佳漢堡之一，餐廳位置又望到海景，一直都好想試吓呢間嘅漢堡。幸運地被安排窗邊位置，可惜今日天氣麻麻，如果唔係可以欣賞維港夜景就冇得彈。The Gold Standard厚度驚人！2 x 4 oz 靚漢堡扒真係唔惹少，牛脂香味係口腔爆發，十分多汁。煙肉同芝士嘅咸香又提升左個包嘅層次，食完成個包都唔會覺得單調/好漏。Double Cheese Burger食肉獸必點嘅一個包，啖啖靚牛勁滿足。呢個包好簡單，就係漢堡扒+雙重芝士+特製醬汁，簡單又好味。牛肉漢堡煎到少少焦香，外脆內juicy。生酮/怕肥人士仲可以轉生菜包，多個選擇非常好。芝士薯條炸得香脆乾身，芝士唔會太多太漏，不過下次會想叫普通薯條，感受薯仔香味。