影片
更多
2012-05-01
537 浏览
上星期知道星期一有英超爭標大戰，所以一早就約定幾個朋友去附近酒吧睇波，諗落成晚流流長，於是有人話不如約夜少少，食埋飯先過去睇波啦，其中一人介紹五月燒，另外又有人話想食海鮮，頂，跟住我靈光一閃，彈左句出泥：「不如溝埋一齊食燒海鮮丫笨！」點知大家都讚好，於是我就膽粗粗打左去問。因為返工唔方便打電話，等到星期日打左一次去，應該係手提電話，不過無人聽。後尾6點幾再打去，隔住電話聽到一把溫柔婉淑既聲音，唔知係老闆娘定伙記，不過心諗：今次實無得輸！ 點知，把女仔聲轉頭就話要問下老闆，叫左老闆泥聽，佢話佢叫阿賢，聽把聲應該都年青有為。於是，我就將我地幾個麻甩仔想食燒海鮮既特別要求相告，老闆阿賢居然仲興奮過我地，仲話：「不如我幫你地落街市睇埋啦，你地筆直幾多先，預個數，我聽朝落街市打個轉揀下，再夾下燒乜啦！」我見老闆咁爽快，心諗食海鮮無$300都走唔甩，就話：「預每人$300 先啦，不過你聽日可唔可以 whatsapp 覆我，我月尾呢幾日唔係咁方便……」阿賢就用佢把豪邁奔放既嗓子話：「得啦！」星期一因為好多同事都請左假自製長假期，公司得我一個悶到爆，玩左成日 skout，食完 lunch 睡意正濃之際
點知大家都讚好，於是我就膽粗粗打左去問。
因為返工唔方便打電話，等到星期日打左一次去，應該係手提電話，不過無人聽。後尾6點幾再打去，隔住電話聽到一把溫柔婉淑既聲音，唔知係老闆娘定伙記，不過心諗：今次實無得輸！ 點知，把女仔聲轉頭就話要問下老闆，叫左老闆泥聽，佢話佢叫阿賢，聽把聲應該都年青有為。於是，我就將我地幾個麻甩仔想食燒海鮮既特別要求相告，老闆阿賢居然仲興奮過我地，仲話：「不如我幫你地落街市睇埋啦，你地筆直幾多先，預個數，我聽朝落街市打個轉揀下，再夾下燒乜啦！」我見老闆咁爽快，心諗食海鮮無$300都走唔甩，就話：「預每人$300 先啦，不過你聽日可唔可以 whatsapp 覆我，我月尾呢幾日唔係咁方便……」阿賢就用佢把豪邁奔放既嗓子話：「得啦！」
星期一因為好多同事都請左假自製長假期，公司得我一個悶到爆，玩左成日 skout，食完 lunch 睡意正濃之際，突然電話一響，仲以為係 skout 有人 add 我，點知原來係五月燒老闆阿賢，錯哂！
講返正題，阿賢話：「你地五個人，不如燒下鮑魚、虎蝦、大蜆、加條石班、再買兩隻龍蝦，夠有找！」
我嚇一嚇，覆左句：「$300 真係食到咁多野？」
阿賢好快覆返我：「係 _ _ (超市) 先貴姐，落街市識揀先抵食！你地係咪要？係我就拍板！」
君子一言快馬一鞭，我覆實「好！信得過你！點樣落訂比你？」
「大家都姓陳，你信我時我信你啦！落泥食完先埋單啦！」
在五月燒，居然找到香港久違了既人情味同人與人之間既信任。淚腺隨即不其然放出幾滴淚水，原來係時候來一個小睡了，不好好休息一下，今晚那來精神睇英超大戰！
放工先去了個 happy hour，不過個心始終記掛住燒海鮮，淺酎了幾杯 Tetley's 就返屯門了。
一行五人麻甩仔相約左11點鐘在五月燒門口等，點知個個都遲，望一望舖內，陳設不過不失，不是 fine dinner 的地方，不用太講究環境氣氛，我從來都不知道人們怎樣「食環境」和「食氣氛」，吃得飽肚的嗎？
坐低了一會兒，終於見到老闆真人，如果，要為阿賢加一個形容詞，我會用「肥」。肥賢肥賢，叫落也親切！於是唔該一聲老闆，就叫佢可以上菜！
首先，來了一個芝士焗蠔石頭飯。一食就難忘，呢度既石頭飯比附近任何一間都要好！飯用上珍珠米，配搭芝士焗日本蠔，芝士味香濃，亦吃得出鮮蠔味，不錯。
肥賢手勢極快，好似一心想挑戰我地胃口！轉眼，即來了燒鮑魚同燒大蜆！鮑魚同大蜆加了適量蒜蓉同調味！令本身不算喜歡蒜蓉既我都吃得津津有味！值得一提，加了調味更有燒烤風味，非一般清蒸可比！我一直覺得新鮮的海鮮永遠都鮮味，加適量調味，其實係增加食欲，同個人喜好，今次難得唔駛講，老闆既料理心得居然同我相似，心中突然有股識英雄重英雄之感，望著老闆肥厚既背影，一絲尊敬油然而生。
再來便是芝士焗龍蝦。不過事後我覺得來得不著時，一來份量太多易飽肚，二來龍蝦味重，其後再吃其他難免失色。不過老闆手勢比得上大酒樓，烏冬底幾過癮，貪吃多了幾口，就出事了！飽左！忍唔住叫左個青檸梳打，再叫老闆慢d手，點知老闆笑笑口話：「得！」奇奇怪怪，點知我轉頭望望，雖然十一點幾，原來成間舖坐滿左人！唔怪得老闆笑笑口，原來可以抖抖慳返d氣！
打到呢度，睇返d相，我都仲覺得飽！因為我剛剛又食完飯嘛！了結左芝士焗龍蝦，燒虎蝦便急不及待上來！好味到不得了，事後問老闆，原來佢掃了一層秘製豉油，再輕輕加鹽燒，難怪好味到我想連殼吞！
雖然我飽到上心口，但友人仲未夠喉，下午釣完魚、食左幾包蝦條都唔夠喉，叫老闆加左幾串雞腎，又叫左個羊肉飯。我試左雞腎，好味！但無試羊肉飯，不過友人話正。
諗尾差唔多收手，點知突然聽到一把好熟識既聲音，無錯！就係星期日聽到果把溫柔婉淑既聲音，原來佢係老闆娘，兩夫妻經營一檔生意真係不容易，令到吊兒郎噹既我羨慕不已，亦到明白，幸福其實真係好簡單。原來，老闆娘知我地有人未飽，私人醒左個秘製水煮雞比我地！嗚啊！如斯好女子，天下何處尋？
講返個水煮雞，雖然看不到完隻辣椒，不過麻辣風味不比任何一間川菜館遜色。老闆娘話只加了小辣，不夠可以加！不過我怕有兩聲咳，不敢加辣了！
最後真係唔好意思，坐到一點幾，阻到老闆收舖，可以老闆人情味十足！一行幾人飽慘了！老闆計足料錢、汽水錢、同後加幾個小食錢埋單後，便拖住滿滿的肚子，過隔離酒吧等睇波了！
What a wonderful day！
p.s. 下次一定要來試燒雞皮、安格斯牛同粟米！
张贴
