影片
更多
2018-02-26
662 浏览
酒吧喺諾士佛臺1號，喺正美麗華廣場隔離，上到3樓就見到。酒吧地方偌大，入面好多部電視播緊now sports台，如果播世界盃嘅比賽真係會熱鬧到不得了。中間有兩張Beer Pong game table，發光嘅枱面，夜光橙色同藍色嘅杯好有氣氛。食物方面有唔少Sharing plates選擇，仲有Pizza、意粉，連Set Dinner都有，百幾蚊唔算貴。早到嘅我決定先食晚餐打底，晏啲班friend嚟到先再劈酒+小食。叫咗個Set Dinner【蜜汁醬燒焗乳豚厚肉排$158】。【餐湯】洋蔥湯入面都幾多洋蔥蕃茄，熱辣辣又開胃。【蜜汁醬燒焗乳豚厚肉排】用鐵板上保持食物溫度，有三大條肉排同好多薯條。蜜汁燒得香甜惹味豚肉肥美有豐富肉汁，不過又未至於好厚肉。餐飲可以轉果汁，不過今日凍凍地就叫咗熱檸茶。飲品係用我阿嫲年代嘅萬壽無疆陶瓷杯裝住，完全同酒吧嘅風格係風馬牛不相及，咁有特色真係要相機飲先呃吓Like。酒吧仲另外間開咗兩張可以坐到大約十個人嘅梳化位，各有一部電視，嚟緊世界盃球賽個開波時間咁靚，嚟呢度食住好西飲酒睇波，同埋friend牙骹戰，都係一個唔錯嘅選擇。好，而家就約定人先，bye！
酒吧地方偌大，入面好多部電視播緊now sports台，如果播世界盃嘅比賽真係會熱鬧到不得了。
中間有兩張Beer Pong game table，發光嘅枱面，夜光橙色同藍色嘅杯好有氣氛。
食物方面有唔少Sharing plates選擇，仲有Pizza、意粉，連Set Dinner都有，百幾蚊唔算貴。早到嘅我決定先食晚餐打底，晏啲班friend嚟到先再劈酒+小食。
叫咗個Set Dinner【蜜汁醬燒焗乳豚厚肉排$158】。
【餐湯】洋蔥湯入面都幾多洋蔥蕃茄，熱辣辣又開胃。
【蜜汁醬燒焗乳豚厚肉排】用鐵板上保持食物溫度，有三大條肉排同好多薯條。蜜汁燒得香甜惹味豚肉肥美有豐富肉汁，不過又未至於好厚肉。
餐飲可以轉果汁，不過今日凍凍地就叫咗熱檸茶。飲品係用我阿嫲年代嘅萬壽無疆陶瓷杯裝住，完全同酒吧嘅風格係風馬牛不相及，咁有特色真係要相機飲先呃吓Like。
酒吧仲另外間開咗兩張可以坐到大約十個人嘅梳化位，各有一部電視，嚟緊世界盃球賽個開波時間咁靚，嚟呢度食住好西飲酒睇波，同埋friend牙骹戰，都係一個唔錯嘅選擇。好，而家就約定人先，bye！
张贴
