富臨皇宮 (已結業)

我同女友和朋友去何文田窩打老道附近得睇二手樓盤， 睇左間都唔錯叫金華x樓， 順便睇附近嘅配套設施與娛樂醫療飲食， 嗰度飲食對面有間富臨皇宮大酒樓都幾方便，未入去試下。服務員態度親切友善，積極推介廚房精選小菜， 點左(瑤柱金菇扒豆苗 ， 豉汁蒸大鱔， 鐵板黑椒德國豬手 ， bb乳豬半隻 )配時日例湯(野山參燉水鴨 )。唔知道是否星期一 效應，剛剛落單好快就上菜先來個野山蔘燉水鴨， 當撈起湯渣材料份量十足 ，湯唔係太油幾清， 參味道幾出正。豉汁蒸大鱔， 魚皮滑魚肉彈牙又鮮配豉汁簡直一絕。bb乳豬皮鬆化好脆口， 唔太肥啱曬我老婆啲貪靚一族。瑤柱金菇扒豆苗， 味道ok嘅豆苗都算嫩口。鐵板黑椒德國豬手， 服務員會細心幫你切好曬隻豬手 ，豬皮好Q又嫩有口感。最後服務員送咗六過生煎包，原來喺個套餐包左，但我們太飽食唔落最終打包。