Chiba Premiere (已結業)

自從COVID, 真係好耐都無去睇戲...趁住星期五公司個大project 終於完成就happy friday約埋朋友睇戲～～我地去左elements 近朋友多啲，買埋飛就慢再諗食咩好～跟住我地見到，原來間戲院隔離自己係有間餐廳，仲要個場係幾靚 野食亦唔止得快餐，仲有pasta 呀 pizza 手工啤～～～我地叫左一個pizza, pasta 小食同一人一支冷泡茶～～佢地既野食都會係用take away 幫你pack好～ 先講個小食蕃茄肉丸：呢度嘅肉丸充滿肉汁外，調味好濃郁，仲要有成十粒左右，份量超多！西班牙火腿薄餅：薄餅份量超足，一開超級香！餅皮非常之薄和脆，再鋪滿了充滿咸香味嘅西班牙火腿，非常足料！！軟殼蟹蟹子牛油果忌廉菠菜手工闊條麵：大大隻嘅軟殼蟹即叫即炸，啖啖肉，再加埋清新自然嘅牛油果醬汁，仲有為其增添口感嘅蟹子，呢度所用嘅麵都係自家手工製，口感特別軟韌。凍荔枝烏龍：烏龍茶味濃，帶有荔枝果香嘅清甜味凍洛神乾果花茶：洛神花本身帶著酸酸甜甜嘅味道，用嚟沖茶，令到茶本身都帶有淡淡嘅酸甜清新嘅味道。