呦呦鹿鳴布丁燒

营业中

休息中

呢間布丁燒我已經留意左好耐, 因為每逢去親葵芳行街, 想搵甜品食既話一定見到佢, 佢係OPENRICE甜品分類排第一。布丁燒係近呢幾年才出現既甜品, 唔知佢應該會點既味道, 第一次食我係幫襯太子既滿月, 麻麻地, 心諗可能佢地整得唔好食啫, 有機會我要再搵過第二間試下比較下(雖然布丁燒質素平平, 但芋泥奶凍卷唔錯)。買左兩個口味- 朱古力🍫同咖啡。布丁燒由布丁同芝士蛋糕組成, 呦呦鹿鳴既布丁入口比滿月的柔軟, 但滿月的布丁就比較有蛋香味。而芝士蛋糕就兩間都一樣令人失望, 無芝士味, 焗得太乾。而朱古力同咖啡也是平價貨色, 只有甜味, 亳無層次。姑勿論將布丁同芝士蛋糕呢兩種食物放埋一齊食夾唔夾, 就單獨咁去睇佢地布丁同芝士蛋糕仲有朱古力同咖啡表現, 都十分強差人意。