Seoulmate (京都廣場) (已結業)

咁啱係附近行完街 上openrice搵下有冇好野食 見依家評語唔錯價錢野食又幾吸引咁 就一於決定試下兩個人嗌咗一個小食- 焗蕃茄泡菜芝士豆腐同一個飯- 烏卒卒火山鰻魚櫻花蝦飯先講依個焗蕃茄泡菜芝士豆腐 賣相好吸引 而豆腐大大磚又好滑 而對於唔太中意泡菜嘅我嚟講 依個啱哂 因為泡菜味唔係話好重果種 比啲蕃茄同芝士cover哂 正！另一個就係烏卒卒火山鰻魚櫻花蝦飯 先講賣相 絕對吸精 打卡真係一流 而食落裡面個飯不過不失幾好食 絕對唔係果啲得個野但係味道唔掂果啲 而外面層烏卒卒口感好得意 食落去就好似空氣咁 唯一可惜係面嘅蛋黃篤爛都仲唔到熔岩流嘅效果 同唔夠流落啲飯 但勝在本生個飯唔太乾身當晚因爲都比較晏去 接近收舖時間 唔係都想試下佢嘅甜品