同事搵到一間藏於藍屋後既小店
本身聽個名以為係茶記 點知原來係間西式餐廳
1
裝修都好特別 富有舊香港既味道
牆上仲有唔少舊式物品 個獅頭好搶眼
至於食物方面就唔多選擇
只有Lunch Menu 合共8個set揀
全部都配沙律、湯同野飲
2
我地人夠多 於是成個menu都點哂～
不過當日鴨胸已經賣哂 所以無緣試到
餐湯係用類似舊漱口杯既鐵杯裝 份量唔多
味道好濃西芹味 唔喜歡西芹既朋友要注意
沙律菜就好fresh 好脆 連唔鐘意食沙律既我都食哂
魚柳好滑 無腥味
不過份量不多 男士們可能會唔夠飽
兩款牛都好味 肉味濃 肉質軟腍
表面亦煎封得夠香脆 唔錯
呢款豬肉有驚喜 咬開有肉汁
配埋mustard sauce 好清新
豬手就較其他主菜失色
炸得略為過火 食落好乾
1
除左肉類 意粉同Pizza都做得出色
意粉彈牙 醬汁不濃不淡 稀稠度剛好
而Pizza就好香脆 味道帶微辣 好惹味
另外要讚既位係 呢到每塊薯餅都係新鮮炸起
熱辣辣又香口 好想叫多幾塊食
