Twelve Cupcakes (已結業)

媽媽今日生日，一早預訂左玫瑰花蛋糕同佢慶祝！之前睇張相介紹，已經覺得好靚好吸引啦！不過有擔心玫瑰花係糖膠整既！店員姐姐話係cream黎架！咁就管試下啦！當見到實物時，都被個蛋糕嚇左跳，真係咁似既？究竟食唔食得架呢？🤔大家影完一輪相之後，我地就開始切蛋糕啦！個cream同蛋糕都有D硬，要用力先切到。後來食落都覺得個蛋糕唔夠鬆軟！不過好就好在唔係好甜！原來蛋糕裡面係朱古力蛋糕黎架！因為對朱古力蛋糕一般，所以心諗如果係什果忌廉蛋糕就好啦！整體黎講，個玫瑰花蛋糕既睇得又食得都算唔錯啦！團購價錢亦可接受，叫做大家影下相開心下啦！😬