漫花燈火OMG (已結業)

呢度既菜式都好靚，我地先試佐黑松露蜜糖香草燒原隻美國春雞伴自家製芝士薯蓉，原隻雞上枱，整得好靚，燒雞完全會皮脆肉嫩，啲雞皮咬落卜卜脆，但雞肉就好滑，一啲鞋口都無，燒雞底下既薯蓉就好滑，好濃芝士味，仲有醬汁點啲燒雞食，勁正呀！另外一個係脆脆牛肝菌野菌意大利飯，牛肝菌炸脆佐又幾得意，好香口，好惹味，另外意大利飯亦都係用野菌去煮，同樣好濃味，啲飯粒粒分明，又唔會太淋，好有口感！最黎叫佐杯飲品，荔枝樹上的彩虹，本身梳打已經好香荔枝味，好甜，再加埋唔同顏色嘅生果味爆珠，更加好飲！