NINETYs (些利街) (已結業)

放工約咗朋友係中環食飯，第一時間就諗起NINETYs，之前已經試過食lunch，晚餐都一樣咁好食。我哋兩個人嗌咗三樣餸同兩杯嘢飲，份量啱啱好。Chips with Crab Dip前菜要咗薯條配蟹肉醬。啲粗薯條炸到熱辣辣脆卜卜咁，就咁食已經好正。嗰蟹肉醬好足料，有好多蟹肉，加埋蟹油，同嗰薯條好夾，鍾意食香口野嘅人一定要試吓。Sweet Potato Cake with Chicken Thighs賣相好吸引，嗰雞本身都好嫩滑，配埋甜甜哋嘅紫薯醬，都幾特別。Salmon Pasta就咁睇以為佢份量好少，但係食落先知原來都幾多。意粉煮得啱啱好，嗰忌廉汁都好香，唔會太肥膩。三文魚嘅火候控制得好好，入面未完全熟晒，同嗰意粉好夾。嘢飲方面要咗Milk Chocolate同Long Black。Milk Chocolate好香好滑，唔會話太甜。Long Black Fruity Blend 酸度、甜感、苦味平衡做得好好。下次可以試埋其他嘢食同嘢飲。