Vive Cake Boutique (已結業)

早排上網搵唔同既散水餅，見到佢呢間網店有十幾款精緻既Mini cakes，睇落十分吸引，我同事女仔偏多，最後揀左呢一間。呢間鋪既有實體店，亦有網店給客人提前網上預訂，可以到店自取或送貨，但送貨要加至少$200。我選擇左網上預訂，好處係佢實體店每日只會提供6-7款mini cakes，比網上提供既款式少，但網上預訂就全部款都可以選購，但就逼人一定要兩件兩件咁買，即係同款既至少會有兩件到店自取時，店鋪裝潢風格可愛，偏粉紅系列，相信好多女士都會鍾意。Mini cakes實物無令人失望，相當有睇頭，同事見到都嘩出聲，覺得滿意。我自己就試左Lychee Blush，內裡是Vanilla味既海綿蛋糕，夾住荔枝味mousse同紅莓果醬，味道酸甜，但不會十分膩口；蛋糕上有新鮮荔枝果肉和紅莓，再加上一片金泊，令蛋糕看上去更高級一點。整體而言，蛋糕外觀令人滿意，味道不過不失，如果你和同事關係不錯，不妨考慮買黎做散水禮，給他們留下一個好印象。