峇峇娘惹 (MOSTown新港城中心(4期)) (已結業)

今日見無咩胃口, 揀左好耐, 就揀個甜酸雞球便當醒醒胃。返到屋企一打開，又幾精緻喎。芽菜飽滿爽口，無骨雞球都有成六七粒，份量都唔少，最值得讚係佢粉漿唔多，炸到好脆身，唔會淋滋滋。而且有三色椒，有D蔬菜感覺立即好似健康D。仲有餃子估唔到又脆又熱而且入面仲有D肉汁，都幾驚喜。最尾食剩左D飯，估唔成個便當份量加埋都幾多，下次唔想諗食咩就可以揀個便當，仲送埋杯桔仔水，真係快、靚、正。