金源至尊炸醬麵

早排喺Facebook上面見到雜誌去咗呢間金源麵家做訪問，心血來潮搵地址，搵位置，睇吓我自己方唔方便泊車(當然泊唔泊車唔係重要因素)，睇吓有無機會可以食到。

今日終於有機會可以一試，結果有啲失望，並唔係我想像中咁好食。。。

------------------------------
買外賣時間下晝大概兩點半，入到鋪頭現場入座率唔高，四位客人，老闆正在開餐。

先講金牌炸醬撈粗麵:
訪問之中老闆講過話係用豬頸肉，冇錯！我食得出係豬頸肉，有咬口。

炸醬汁唔夠多(可能我唔記得左同佢講多汁)，撈吳起個面，結果我個麵有三分一係冇汁嘅，吃乾麵。。。

醬汁方面比較淡口，感覺好水，唔夠杰身，帶出唔到一種食緊撈麵嘅感覺(醬汁係要香濃先可以撈起個麵架嘛)。

內附芥蘭兩條

麵底淥得啱啱好，爽口彈牙

附上嘅撈麵湯香濃，我飲晒

------------------------------
另外叫咗個雲吞併水餃淨食，兩者都OK好食。

總括嚟講如果個炸醬會改良，我會再食，如果唔係就冇乜吸引力，我會選擇佢鋪頭其他出品。